Llyfr Coginio: Pice ar y maen
(Ailgyfeiriad o Sut i wneud pice ar y maen)
Cynhwysion
golygu
- 225g/8oz o flawd codi
- 110g/4oz o fenyn hallt (o Gymru yn ddelfrydol)
- 1 wy
- llond llaw o syltanas
- llaeth, os oes angen
- 85g/3oz o siwgr mân
- menyn ychwanegol, er mwyn iro
Dull paratoi
golygu- Rhwbiwch y menyn i mewn i'r blawd gogrynedig er mwyn creu briwsion bara. Ychwanegwch y siwgr, ffrwythau sych ac yna'r wy. Cymysgwch y cyfan, yna ffurfiwch pelen o does gan ddefnyddio ychydig o laeth os oes angen.
- Rholiwch y toes nes ei fod tua 5mm/¼modfedd o drwch ac yna torrwch e'n gylchoedd gyfa thorrwr rhychiog 7.5-10cm/3-4 modfedd.
- Nawr bydd angen maen neu gradell haearn trwm arnoch. Rhwbiwch fenyn drosto a sychwch unrhyw fenyn sy'n ormodol i ffwrdd. Rhowch y maen neu'r gradell ar y gwres a gadewch iddo gynhesu. Rhowch y pice ar y maen, gan eu troi unwaith. Bydd angen rhyw 2-3 ar bob ochr arnynt. Rhaid i'r ddwy ochr frownio cyn eu troi.
- Tynnwch y pice oddi ar y maen a taenwch siwgr mân drostynt tra'u bod dal yn gynnes. Gellir hepgor y ffrwythau sych pe dymunir, neu eu torri'n ddwy ar ôl iddynt oeri a chreu rhyw fath o frechdan ohonynt trwy roi jam yn y canol.